林文平

林文平簡介：
林文平，1969年出世，台灣嘉義人，現居高雄縣。輔仁大學中文系畢業。現任教高雄縣中山工商國文教師、《台文戰線》同仁。曾任《掖種》主編。1996年開始台語寫作。曾獲海翁台語文學獎新詩獎、台中台灣語文研究社散文獎、掖種台文創作獎。其詩呈現寫實諷刺的風格，內容偏重鄉土書寫。著有詩集《黑松汽水》、《時間个芳味》，編有《台灣歇後語典》(稻田出版社)及《實用台灣成語典》(未版)，現任高職國文教師，也佇南部從事台語師資培訓的工作。


台灣囡仔歌詩介紹講綱

一、開頭謠

二、傳統童謠(自然童謠)選讀
(一)、搖囡仔歌
(二)、民俗祈福歌
(三)、囡仔迌唸謠(遊戲童謠)
(四)、教囡仔歌(教育啟示童謠)
(五)、順口趣味囡仔歌

三、創作童謠、童詩選讀
(一)、寄調囡仔歌
(二)、新作囡仔詩

開頭謠

1.冬生娘仔
冬生娘仔，皮幼幼，保庇阮，也會挑，也會繡。
冬生娘仔，冬新新，保庇阮，有福氣，遇貴人。
冬生娘仔，冬媽媽，保庇阮，也會刣，也會割。

冬生娘仔，冬西西，保庇阮，嫁好翁，伴好婿。
冬生娘仔，新冬東，保庇阮，父母兄弟攏平安。

2.人插花
人插花，伊插草；人抱嬰，伊抱狗；人未嫁，伊先綴人走；人坐轎，伊坐糞斗；人睏紅眠床，伊睏屎礐仔口，人食山珍海味，伊煮芋仔頭，人穿畫花衫，伊縛澳稻草。

3.紅田嬰
紅田嬰，紅貢貢，騎牛騎馬去培墓。
大兄排紅龜，二兄排牲禮，三兄點香佮點火。
看牛囡仔圍來臆墓粿，豆干鴨卵提來鬥。

4.籃仔花
籃仔花，開幾蕊？開兩蕊。一蕊交落田，一蕊交落水。教姑抾，姑毋抾；教嫂抾，嫂毋抾。大兄抾起來，姑也愛，嫂也愛。開大門，剝芥菜。剝幾葉？剝五葉，一葉青，送先生；一葉殕，送官府，一葉紅，送丈人；一葉赤，送隔壁；一業烏，送大姑。

二、傳統童謠(自然童謠)選讀
（一）搖囡仔歌

1.嬰仔睏
嬰仔嬰嬰睏，一暝大一寸；嬰仔嬰嬰惜，一暝大一尺。

2.搖啊搖(一)
搖啊搖，搖啊搖，搖囡仔愛睏，愛人搖；搖囡仔，搖囡仔，愛睏愛人搖。

3.搖啊搖(二)
搖啊搖，豬跤雙爿撩（siong1 ping5 lio5），大麵雙碗燒，肉丸炒胡椒，蒜仔炒魚鰾，卜睏著放尿，出門著坐轎。

4.搖啊搖(三)
搖啊搖，搖到內山去挽茄，挽偌濟？挽一布袋，也好食，也好賣，也好予嬰仔做度晬。

5.嬰仔，汝勿啼
嬰仔，汝勿（mai3）啼，恁母仔來去割蕃薯，飼大豬，賣錢來糴米，煮芳芳，來飼汝。

6.搖金囝
搖金囝，搖金囝；搖豬跤，搖大餅；搖檳榔，來相請。

（二）民俗祈福唸謠

1.鴨卵身
鴨卵身，鴨卵面，予汝後擺好親情來相挺(thin7)。
(幼兒初次理髮時唸唱)

2.喊鴟鴞(hiam3 la7 hioh8)
鴟鴞 鴟鴞飛上山，囝仔快做官；鴟鴞 鴟鴞飛懸懸，囝仔中狀元；
鴟鴞 鴟鴞飛低低，囝仔快做爸。(滿月時唸唱)

3.收瀾歌
收瀾收礁礁，明年生膦葩；
收瀾收離離，明年招小弟。(滿四個月收涎時念唱)

4.一二三四
一二三四，囡仔人褪裼（thng3 theh4）無代誌，土地公伯仔來保庇。
(幼兒洗澡時唸唱)

5.收驚詞
有請觀音媽來保駕，予囡仔無驚，予十二隻生肖驚，一鼠驚二牛驚三虎四兔五龍驚，六蛇七馬八羊驚，九猴十雞十一隻狗十二豬公驚，保庇囡仔無驚。

6.目睭公
目睭公，目睭婆，吹吹咧馬上好。
(眼睛入沙時唸唱)

7.月光光
月光光，汝是兄，我是弟，毋通夯刀割我雙爿耳。(不小心手指月亮時唸唱)

8.拜月娘
拜月娘，拜月姊（ci2），好頭毛，好喙齒，大是兄，細是弟（ti7），汝毋通夯刀仔割我雙爿耳。(不小心手指月亮時唸唱)

(三)、囡仔迌唸謠(遊戲童謠)

1.掩嘓雞(ng1 koh0 ke1)
掩嘓雞，走白卵，隨汝食，隨汝吮（cng7），嘓雞仔囝，覕密密（bih4 bat8 bat8），貓鼠仔囝，去做賊，咬咬—kiuh8。

2.點啊點水缸
點啊點水缸，啥人放屁爛尻川？ 點啊點茶鈷，啥人盈暗卜娶某？
點啊點茶甌，啥人盈暗來阮兜？

3.點啊點茶鼓
點啊點茶鈷，啥人盈暗娶某； 點啊點叮噹，啥人盈暗嫁翁；
點啊點鉛筆，啥人盈暗做白賊七；點啊點滾水，啥人盈暗就去做鬼。

4.汝卜食清
汝卜食清？抑卜食濁？卜食清。送汝去媽祖宮。卜食濁。送汝去。

5.一的炒米芳
一的炒米芳，二的炒韭菜，三的沖沖滾，四的炒米粉，五的五將軍，六的六囝孫，七的分一半，八的爬梁山，九的去做官，十的徛（khia7）咧看。
拍汝千，拍汝萬，拍汝一千五百萬，羞羞羞，袂見笑。

6.跳索仔
芎蕉欉，繡球紅，開花二十一，二五六，二五七，二八二九三十一。

(四)教育啟示童謠
1.貧惰仙
一天過了又一天，身軀無洗全全銑，走去溪仔洗三遍，毒(thau7)死烏仔魚數萬千。

2.大食神
大食神，孝男面，早睏，晏精神。

3.鴉片
鴉片食來跤蹺蹺，親像老猴歕洞簫；鴉片食來跤蹺蹺，某去嫁人囝去流。

4.做人新婦
做人新婦著知道理，晏晏睏著早早起；起來梳頭抹粉點胭脂；入大廳，拭桌椅；入灶間，洗碗箸；入繡房，繡針黹。

5. 月月痟 (歲時教育)
正月痟查某；二月痟蛤鼓；三月痟媽祖；四月芒種雨；
五月無礁塗；六月火燒埔；七月好普渡；八月是白露；
九月九降風；十月三界公；十一月冬節圓；十二月好過年。

(五)順口趣味童謠
1.火金姑
火金姑，來食茶，茶燒燒，配芎蕉，茶冷冷，配龍眼，龍眼會開花，匏仔換冬瓜，冬瓜好煮湯，匏仔換粗糠，粗糠卜起火，九嬸婆仔爻炊粿，炊到臭焦兼著火。

2.西北雨
西北雨直直落，鯽仔魚卜娶某，鮕鮐兄拍鑼鼓，媒人婆仔土虱嫂，日頭暗揣無路，趕緊來火金姑，做好心來照路，西北雨直直落。
西北雨直直落，白鴒鷥來趕路，翻山嶺過溪河，揣無岫跋一倒，日頭暗卜怎好，土地公土地婆，做好心來帶路，西北雨直直落。

3.Am1蜅蠐
Am1蜅蠐，哮咧咧；哮啥代？哮卜嫁，嫁佗位？嫁柴梳；柴梳卜梳頭，嫁老猴；老猴卜爬樹，嫁和尚；和尚卜唸經，嫁銃兵；銃兵卜出戰，嫁菜燕；菜燕真好食，嫁乞食；乞食卜分錢，想來想去搓紅圓。

4.草蜢公
草蜢公，穿紅鞋；卜佗去？卜看牛；牛佗去？牛賣銀；銀佗去？銀娶某；某生囝，囝生孫；孫看鴨，鴨生卵；卵請客，客放屎；屎沃菜，菜開花；花結籽，籽挈油；油點火，火歕化，後壁門仔一隻老狗拖；用啥貨貯（te2）？破米籮；用啥貨孝？一盤龜，一盤桃，一盤菜粿兼米糕，一盤雞膏亂亂趖。

5.火金星
火金星，十五暝，請汝姊仔來食茶，茶米紅，茶米芳，央大妗做媒人。做佗位？做大房。大房人刣豬，二房人刣羊，扑鑼扑鼓娶新娘，新娘著火燒，囝婿put8 put8趒，趒到田中央，一尾鯽仔魚四人扛，扛上廳拜大兄，大兄無穿襖，拜阿嫂，阿掃無穿裙，拜龍船，龍船phut8 phut8飛，拜茶鍋，茶鍋沖沖滾，一個查某偷抹粉。

6.天烏烏
天烏烏，卜落雨，舉鋤頭，清水路，清著一尾，鯽仔魚卜娶某，龜擔燈，鱉扑鼓，田嬰舉旗叫艱苦，毛蟹擔燈雙目吐，水雞扛轎大腹肚，一碗圓仔湯予汝補。

三、創作童謠、童詩選讀
(一)、寄調童謠

1.踅動物園 作詞: 鄭吉竣 調寄:只要我長大
爸爸媽媽緊來看 猴猻仔咧相扑 這爿有企鵝 迄爿有大蛇
鴛鴦水鴨獅虎象豹 猶有表演通好看 趕緊來去看 趕緊來去看

2.買果子 作 詞: 鄭吉竣 調寄: 造飛機
買果子 買果子 來到青果市 看過來 看過去 果子一大堆
有西瓜 有木瓜 猶擱有荔枝 買芎蕉 買蘋果 猶擱買椰子
秤一斤 秤一斤 攏總偌濟錢

3.阮的學校 作 詞: 鄭吉竣 調寄: 家
阮的學校有金魚 尾蝶滿滿是 蟬仔樹頂吱吱吱 鳥仔唸 歌詩
汝跳舞 阮唱歌 耍甲真歡喜
無煩無惱真正趣味 逐工笑瞇瞇

4.扒龍船 作 詞: 鄭吉竣 調 寄: 捕魚歌
五月初五 扒龍船 比賽阮卜提冠軍
阮的團隊 上合群 阮的士氣沖沖滾


(二)、新作囡仔詩
1.荔枝 (康啟明《講唱台灣囝仔歌》)
荔枝，荔枝，粒粒圓，食入喙，真清甜。
食的人，一目睨，種的人幾落年。

2.虎姑婆 王金選 (《滿天星兒童文學》廿九期，82.9)
虎姑婆，歹喙斗，毋食肉，毋食草，毋食饅頭，毋食水餃，
上愛宓佇眠床頭，欲食歹囡仔的手指頭。

3.青紅燈 林文平 (搖籃邊的話─高雄縣閩南語較材二)
青紅燈 目一下睨 三蕊目睭真趣味
紅燈叫汝慢且是 黃燈請汝愛注意 青燈做汝大範大範行過去
青紅燈 真古意 透風落雨無離開
交通安全若有汝 逐家平安閣順序

4.放風吹 林文平
囡仔佇天頂飼一尾
鯽仔魚
予我看著快樂
佇天頂泅來泅去
藍藍天
是藍藍海
闊闊天
有闊闊歡喜
爸爸媽媽面仔
笑嘻嘻
囡仔共伊歡喜揪椆椆
叫風替伊伴奏
叫雲替伊伴舞
歸家伙仔塊合唱迄條
天倫歌詩

5.我佇公園烏白相 林文平
我佇公園烏白相
看著毋知見笑樹仔
學人塊做早操

我佇公園烏白相
看著阿伯仔喙仔開開
拄龜予報紙看

我佇公園烏白相
看著活動狗仔
共主人牽咧塊四界行

我佇公園烏白相
看著愛耍囡仔
目睭底有金魚塊趖

我佇公園烏白相
看著紅豔花蕊
塊共古意底片恐嚇

我佇公園烏白相
看著我歸晡久時間
化作烏sim3 sim3 墨汁
叮叮噹噹滴佇白色田園
塊共人餳


















台語文學創作概說 林文平
一、文學概說

1.人活在兩個世界

◎自然的世界 具體的 有限

◎精神的世界 抽象的 無限

例
雲破月來花弄影

2.文學三大要素

形式、內容、目的

(A)、形式

a.形式和內容密不可分，二位一體，有文學內容就有形式。(狹)

b.形式是內容的表達的手段和方法。(廣)

語言和文字

文學的實質形式---語言或文字

語言形式的文學
口傳文學、口頭文學、口語文學、流動文學

(B) 、內容

文學內容即指文學的實質。

思想 情感 想像(思想經心靈陶鑄)

(C) 、目的

為人生而藝術 VS 為藝術而藝術

表達 教化 政治 感人 娛人

二、重要的兩種文學技巧
（一） 譬喻

1.明喻

喻體 + 喻詞 + 喻依

◎人生親像大舞台，苦齣笑詼攏公開。

◎罩霧的山崙親像姑娘的溫純。 (宋澤來〈若是到恆春〉)

◎恬恬看囡仔一批一批親像海湧仝款離開故鄉。 (林文平〈路邊的椰子樹〉)

◎青春青春，親像欲出帆的船。 (王金選〈青春歌王〉)

◎金黃色的粟仔親像流動的熱湧 滾絞 (胡長松〈下課時間〉)

2.隱喻

喻體 + 是(為) + 喻依

◎枕頭是一隻駛向夢鄉的船

◎你是針，我是線，針線永遠黏相倚。 (〈針線情〉)

◎你的形影是阮寂寞的暗暝。 (莊柏林〈自你離開了後〉)

◎迄支迵天的煙筒
毋是聖誕老人的天梯
是汝誠心誠意請土地食的長壽薰 (林文平〈焚化爐〉)

◎情是咱跳舞的筆
筆畫咱意愛的夢 (林宗原〈古都情網〉)

3.略喻

喻體 + ， + 喻依

◎放風箏的人，與天空拔河的勇者•••••••

◎君子之德，風；小人之德，草，草上之風必偃。

4.借喻

省去喻體、喻詞只剩喻依

◎牛牽到北京嘛是牛。

◎撒了滿天的珍珠和一枚又大又亮的銀弊。 (楊喚〈夏夜〉)

◎提著宮燈的妃嬪們

幽幽地涉過天河 (亞弦〈流星〉)

（二） 轉化
1.人性化 (擬人)

◎當所有的樹葉
向枯枝告別 (莊柏林〈歸鄉〉)

◎酒甕共深山
浸佇伊的腹肚內
將此以後 冬蟲下草 蜈蚣毒蛇
攏改用鰓來喘氣 (林文平〈補藥酒〉)

2.物性化 (擬物)

◎母親的雙手一攤開
便展現一頁一頁最美麗的文字 (吳晟〈手〉)

◎我已將你淺淺的笑 夾在
古老詩集的扉頁裡

◎阿君仔卜走阮卜留 留君神魂用紙包
等君走後將伊敁 日日看君佇阮兜

3.形象化 (抽象 具體之間轉換

◎種一款堅定
等風
等雲
等鄉愁 (林文平〈讀山〉)

◎時間
被囚在沙漏內
呼痛 其聲如落法一般

















謎猜佮囡仔詩創作 台語長工 林文平
謎猜新世界

池外起柳絲，
池中小孩兒，
心清池無水，
心煩水滿池。
臆人體器官 —目睭(珠)

溪口一抱草
囡仔揹袂贏
老人揹咧走
臆人體部位 —喙鬚

我的手攬汝的腰，
汝的尻川放予火燒。
臆一款動作 —食薰


藤絲絲，葉缺缺，
紅關公，白劉備，
青張飛，桃園三結義。
臆一款水果 —西瓜


長那弓，圓那斗，
欲來初三四，
欲去廿八九。
臆一款自然物 —月娘

一枝竹仔直溜溜，
尾仔一把鬚，
神魂隨人去，
骨頭無人收。
臆一款農作物 —甘蔗

一領紅衫真細領，
內面專貯銀票兄。
臆一款用品 —紅包


尖嘴鳥，歇烏溪，
食水少，言語濟。
臆一種文具 —毛筆

新起大厝無久長，
有桌倚，無眠床，
父囝無仝姓，
翁某無仝床。
臆一種職業 —做戲的